ТҮРКІСТАН ОБЛЫСЫНДА СУ ТАСҚЫНЫНЫҢ АЛДЫН АЛУ БОЙЫНША КАНАЛДАР ТАЗАЛАНЫП, СУ НЫСАНДАРЫНДА ҚАУІПСІЗДІК КҮШЕЙТІЛДІ

ТҮРКІСТАН ОБЛЫСЫНДА СУ ТАСҚЫНЫНЫҢ АЛДЫН АЛУ БОЙЫНША КАНАЛДАР ТАЗАЛАНЫП, СУ НЫСАНДАРЫНДА ҚАУІПСІЗДІК КҮШЕЙТІЛДІ
Түркістан облысында көктемгі су тасқынына дайындық жұмысы күшейтіле түсті. Аталған мәселе облыс әкімі аппаратының апталық мәжілісінде талқыланды. Түркістан облысының әкімі Нұралхан Көшеров жауапты мекеме басшылары мен аудан, қала әкімдеріне су тасқынына қарсы дайындықты күшейтіп, жұмысты сапалы атқаруды тапсырды.
📌– Су басу қаупі бар аймақтарды түгел зерделеп, қауіпсіздікті күшейтіңіздер. Өңірдегі су қоймалар, каналдар, өзендер мен көлдер, жалпы су нысандары қатаң бақылауда болуы тиіс. Немқұрайдылыққа жол берілмесін. «Шардара» су қоймасын бақылауда ұстап, аймақтағы су нысандары бойынша бекітілген іс-шараларды жүйелі атқарыңыздар, – деген Нұралхан Көшеров аталған мәселеге байланысты аудан, қала әкімдері мен жауапты құрылым басшыларының есептерін тыңдады. Нақты міндеттер жүктеді.
✔️Түркістан облысының Төтенше жағдайлар департаментінің бастығы, азаматтық қорғау полковнигі Асқар Төлешевтің айтуынша, бүгінгі таңда «2024-2025 жылғы қыс-көктемгі су тасқынына қарсы инженерлік іс-шаралар» жоспарының 28 іс-шарасы толығымен аяқталып, 3 іс-шара бойынша жұмыстар жалғасуда. Аяқталған 28 іс-шараның нәтижесінде 68,2 шақырым қашыртқы арналар механикалық тазалаудан өткен. Келес ауданында арық-атыздың 14 шақырымы қоқыстан тазартылды. Сарыағаш қаласында каналдардың 350 метрі бетондалған. Сайрам ауданындағы Арыс өзенінде 500 метр арнаны түзету жұмыстары жүргізіліп, Сауран, Отырар аудандарында 5 тоспа орнатылған. Атқарылған жұмыстар бүгіннің өзінде жоғары нәтижесін беруде.
✔️Сонымен қатар «2024-2025 жылғы күз-көктемгі су тасқыны кезеңіндегі төтенше жағдайлардың алдын алу іс-шараларын жүргізу» жоспары аясында 461 шақырым арықтар (саны – 1203), жалпы ұзындығы 654 шақырымды құрайтын 165 канал, 30 шақырым дюбинг-өткелдер тазалаудан өткізілген.
✔️Аталған жұмыстарды жүргізуге 263 техника жұмылдырылған. Бұдан бөлек, су тақыны кезеңіне 109 мың қап, 1416 тонна инертті материалдар дайындалды. Төтенше жағдай қауіпі туындағанда ыстық тамақ пен тұрмыстық қажеттіліктер үшін кәсіпкерлермен меморандум түзіліп, 141 тонна жанар - жағармай дайындалған. Республикалық, облыстық маңыздағы жолдардағы жалпы 5 123 өткелдің (оның ішінде 4 591 құбыр, 532 көпір) 4098-і тазаланса, темір жол астындағы жалпы 353 өткелдің (оның ішінде 231 құбыр, 122 көпір) 282-сі қоқыстан тазаланған.
✔️Облыс аумағында жалпы 42 су қоймасы орналасқан. Су қоймалардың орташа толу деңгейі 33 %-ды құрайды. Бүгінге «Шардара» су қоймасына секундына 1215 текше метр су келіп, қоймадан жалпы 1305 текше метр су шығарылуда. Нақты көлемі 86 пайызға жетті.
✔️Мәжілісте «Қазсушар» РМК Түркістан филианың директоры Қазыбек Бедебаевтың да баяндамасы тыңдалып, су нысандарына қатысты жобаларды уақтылы әрі сапалы атқару жөнінде ұсыныс берілді.
📌Айта кетейік, облыста көктемгі су тасқыны кезеңінде төтенше жағдайлардың алдын алу мақсатында жалпы 1064 жеке құрам, 124 техника, 11 қайық пен 92 мотопомпа дайындыққа келтірілген. Көктемгі су тасқынына қарсы дайындық барысы облыс әкімдігінің қатаң бақылауына алынған.
Түркістан облысы әкімінің баспасөз қызметі
13.01.2025

Ұқсас жаңалықтар

ІСІНЕ АДАЛ ЖАНДАР...
Сакен Мамытов, Сарысу ауданының әкімі - 14.01.2025 58
ЖЕТІСАЙДА ЖАСӨСПІРІМДЕР АРАСЫНДА ФУТБОЛДАН АШЫҚ БІРІНШІЛІК ӨТТІ
Түркістан облысы әкімінің баспасөз қызметі - 13.01.2025 37
ТҮРКІСТАН ОБЛЫСЫНДА КӨКТЕМГІ ДАЛА ЖҰМЫСТАРЫНА ДАЙЫНДЫҚ БАСТАЛДЫ
Түркістан облысы әкімінің баспасөз қызметі - 13.01.2025 28
 ЖҰМЫСПЕН ҚАМТУ – БАСТЫ БАҒДАР
Түркістан облысы әкімінің баспасөз қызметі - 13.01.2025 115
«БІР ҚАЙНАУЫ ІШІНДЕ ЖАТҚАН»  ПАРЛАМЕНТ
Нағашыбай ҚАБЫЛБЕК - 11.01.2025 301
АТЫ КОЛЛЕДЖ БОЛҒАНЫМЕН, ЗАТЫ ИНСТИТУТ
Жандос ОМАРОВ, Жамбыл облысы, Қордай ауданы - 09.01.2025 404
БАР  ЖАМАНДЫҚ ЕСКІ  ЖЫЛМЕН КЕТСІН!
Сәуле МЕШІТБАЙҚЫЗЫ, ҚР Еңбек сіңірген қайраткері - 09.01.2025 295
ЖАСЫН ҒҰМЫР (Абайдың өнегелі інісі Халиолла Құнанбайұлы туралы)
Әсет МЕДЕУХАНҰЛЫ, журналист, өлкетанушы, Абайтанушы, Абай облысы Абай ауданы, Қарауыл ауылы - 09.01.2025 281
ТӨРТІНШІ БЕЛЕС  БИІГІНДЕ
Бақыт САРБАЛАҰЛЫ, жазушы, халықаралық «Алаш» сыйлығының лауреаты, «Құрмет» және «Парасат» ордендерінің иегері - 21.12.2024 1626
Жамбыл ауданы:  Жерге – тыныс, елге – ырыс
Дариха ҮМБЕТИЯРОВА, журналист Жамбыл облысы Жамбыл ауданы - 20.12.2024 2127

Топ жаңалықтар

1
Ойынқұмарлық дендеп барады
Show more
- 2024-11-30 12879
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 11757
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 14999
4
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 13935
5
Өркенді қала-қуатты өңірге жетелейді
Show more
Дахан Шөкшир - 2023-06-02 18960