ТҮРКІСТАНДЫҚ ЖАС КӨКПАРШЫЛАР ЕЛ ЧЕМПИОНЫ АТАНДЫ

ТҮРКІСТАНДЫҚ ЖАС КӨКПАРШЫЛАР ЕЛ ЧЕМПИОНЫ АТАНДЫ
Шымкент қаласында 21-27 мамыр күндері көкпардан жастар арасында Қазақстан Республикасының ХVIII чемпионаты аяқталды. Додаға Шымкент пен Алматы қалаларынан, Атырау, Ақтөбе, Батыс Қазақстан, Жамбыл, Жетісу, Маңғыстау, Қарағанды, Қызылорда, Түркістан, Ұлытау облыстарынан 140-тан астам ат жалын тартып мінген жігіт қатысып, апта бойы өзара мықтыны анықтады.
Төрт команда өз топтарында көш бастап, жартылай финалда күш сынасты. Тартысқа толы өткен көкпар додасында Түркістан облысы мен Шымкент қаласы финалда кездесіп, бас жүлдеге таласты. Бұл сында Түркістан облысының командасы мықтылығын дәлелдеп, чемпионаттың жеңімпазы атанды. Ал Шымкент қаласының шабандоздары «күміспен күптелсе», Атырау облысының көкпаршылары қоланы қанағат тұтты. Сондай-ақ үздік ойыншы мен жүйрік тұлпар да анықталды. Жеңімпаз болған командаға арнайы ұйымдастырушылардың атынан ақшалай сертификат пен диплом табысталды.
Осылайша, ұлттық спорт түрлерінен еліміз бойынша көш бастап тұрған Түркістан облысының ұлттық спорт мектебінің ұжымын тағы бір шыңды бағындырды.
Түркістан облысы әкімінің баспасөз қызметі
30.05.2024

Ұқсас жаңалықтар

Топ жаңалықтар

1
Алматыда көшкін қаупі сейілген жоқ
Show more
Камила Мүлік - 2025-02-20 3878
2
Алматы төтенше жағдайларға дайын ба?
Show more
Камила Мүлік - 2025-02-13 4069
3
Ойынқұмарлық дендеп барады
Show more
- 2024-11-30 19000
4
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 17677
5
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 21103