ҰҚШҰ сарбаздары Қазақстаннан екі күннен кейін елдеріне қайтарылады, - деді Президент Мәжіліс отырысында.
«Тұтастай алғанда, жіті фаза контртеррористік операция өткізілді. Барлық өңірдегі жағдай тұрақты. Осыған байланысты ҰҚШҰ-ның негізгі миссиясы сәтті аяқталды деп мәлімдеймін. Екі күннен кейін ҰҚШҰ сарбаздары елдеріне қайтарылады. Контингентті шығару процесі он күннен аспайды», - деді Президент.
Еске салайық, бүгін Мәжіліс отырысына Президент Қасым-Жомарт Тоқаев қатысып, жаңа премьер-министрді ұсынып, елдегі жағдай туралы айтқан болатын.
