2023 жылғы 7 ақпанда Астанадағы Қазмедиа орталығында, 2023 жылғы 19 наурызда өтетін тағайындалған ҚР Парламенті Мәжілісі мен мәслихаттары депутаттарының кезектен тыс сайлауын өткізу және олардың дайындық жұмыстарының БАҚ беттерінде жарық көруі мәселелеріне байланысты семинар өтті.
Негізінен журналистерге арналған бұл шараға ҚР Орталық сайлау комиссиясының жауапты мамандары, ҚР Ақпарат және қоғамдық даму вице-министрі, Бас прокуратураның өкілдері келіп, құнды ақпараттармен бөлісті. Семинарға аймақтағы БАҚ өкілдері онлайн форматта қатынасты.
Бұл семинарда алда келе жатқан маңызды саяси доданың басты мақсаты және осы айтулы шараны ақпараттық тұрғыдан сүйемелдеу, саяси партиялар мен кандидаттардың бағдарламаларын баспасөз беттерінде жариялаудың, жарнамалаудың басты қағидалары мен ережелері, құқықтық негіздері туралы жан-жақтылы түсіндірілді.
