Офшордағы ақшаны қалай қайтарамыз?

Отандық заңгерлер серіктес елдердің резиденттерінің қаржы шотына қатысты ақпарат алмасуға мүмкіндік беретін құқықтық база әзірлеп жатыр. Шетелге тыққан шенеуніктердің ақшасын қайтарудың бірден-бір амалы осы. Әрине бұл Мемлекет бас- шысы Қасым-Жомарт Тоқаевтың пәрменімен жүзеге асырыл- мақ. «Хабар» арнасының мәліметінше, әзірге 62 елмен осындай келісім жасалыпты. Министрлер кабинеті осы бағытта бірқатар жұмыс жасалынғанын айтып, есеп беріп те үлгерді. Осы мәсе- леге қатысты өз ойымен бөліскен экономист Айдар Әлібаев: «Менің пікірімше, Қазақстанның офшорға жасырған ақшасы 160 млрд доллардан әлдеқайда көп. Оны кері қайтару – өте күрделі мәселе және өте ұзақ уақытты талап етеді. Ол жерде өте күрделі рәсімдер бар. Алдымен бұл ақшаның сыбайлас жемқорлыққа және басқа да қылмыстарға қатысы бар-жоғын дәлелдеу қажет. Қаражаттарын офшорға тыққан адамдардың бәрі белгілі. Бұл – біздің шенеуніктердің, әкімдердің, «Самұрық-Қазына» басшыла- рының, министрлеріміздің және мұнай саласында істеп, жалған келісімшарт жасағандардың ақшасы. Отыз жыл тәуелсіздік ке- зеңін алып қарайтын болсақ, бұл адамдардың тізімі ұзын-сонар, ұшы-қиыры жоқ. БАҚ-тарда елімізің шетелдегі ақшаны қайтару мақсатында 62 мемлекетпен өзара келісім жасағаны айтылды. Кейбір мемлекеттер көмектесуге де дайын. Мәселен, Ұлыбрита- ния парламенті осы тақілеттес мәселе көтере бастады. Ресей, Қазақстан және басқа да посткеңестік кеңістік елдерінің жемқор шенеуніктері көп екенін, заңсыз жолмен тапқан ақшасын офшорға жасырып жатқанын ашық айтып жатыр. Кейбір деректер бойын- ша елден 318 млрд доллар қаражат заңды түрде шығарылған көрінеді. Бұл – шетелдік инвесторлардың, кредиторлар мен экс- паттардың ақшасы», – дейді.