Қазір қоғам арасында беделі артып, зиялы қауымның сүйіп оқитын басылымының біріне айналған «Qazaqstan dauiri» («Қазақстан-Zaman») газеті Қазақстан Тәуелсіздігінің төл құрдасы. Өйткені ол Қазақстан Тәуелсіздік алғаннан кейін 1992 жылы 17 қаңтарда ашылған-ды. Аталған газет сол тұста Қазақстанда ашылған тұңғыш шетелдік еларалық еркін басылым болды. Содан бергі уақыт кеңістігінде біздің басылым түркі руханиятын көтеруге және осы елдің байырғы халқы – қазақ ұлтының сөзін сөйлеп, қазақ мүддесіне қызмет ету жолынан айныған емес. Қазақстан мен Түркияның арасындағы екiжақты ресми байланыстың орнағанына да биыл 30 жыл толды.
2009 жыл. Газет тарихында бұл жылдың да өзіндік орны бар. Аталған жылы «Саясат» айдарымен «Израиль Палестинаны қанға бояды», «Қазақстан ғарыштық мемлекет бола ала ма?», Біз ядролық қарудан неге бас тарттық?», «ДСҰ және Қазақстан», «Қазақ ұлтшылдығы қазақ ұлтын жоюға бағытталған» (Сайын Борбасов), «БҰҰ Каддафиге неге жақпайды?», «Қара саба Каспий тағы көкпарға тартылмақ», Каспийді көкпар еткен бесеу», «Қара қытай қаптамасын деңіз» (Ермек Сахариев), «Саусақ бірікпей, ине илікпейді», «Парламентте қазақ тілінде сауалнама беретін санаулы ғана депутат бар», «Байқоңырдың сүйегі – қазақтікі, еті – орыстыікі», «Қазақ тілі – Қазақстанның болашағы» (Р.Әшеева), «Полигон үнсіз, үйімізде қасірет» (С.Байқадиұлы), «Тарт қолыңды қасиетті Алаңнан!» (Г.Шонабай), «Қазақстан журналистері өз құқын қорғай ала ма?» (Сандуғаш Серікқали), экономикадан «Үкімет дәрменсіздік танытса, халық кімге сенуі керек?», «Девальвацияның зардабы халыққа тиеді», «Астық мол болғанмен, ұн қат», «Әлем қара алтынның бағасын тұрақтандыра ала ма?» (Ермек Сахариев), «Астана ұлттық құндылықтадың негізі болуы тиіс», «Бюджет – халық қазынасы, оны шашқандар – жазалануы тиіс», «Халық қаржысын миллиардтап жұтқандар неге жазаланбай отыр?», «Мол астық қар астында қалды» (Рәзиға Әшеева), «Әлеумет» айдарымен «Үлескерлер өз үлесін алуы тиіс, әйтпесе...» (Амангелді Шарманбаев), «Санатта жоқ болсақ, санақта неміз бар?» (Ж.Борантаев), «Баспана – бар қазақтың бас ауруы», «Жұмыссыздар тағдырын меморандум шеше ала ма?» (Р.Әшеева), «Кенесарының бас сүйегін қалай қайтарамыз?», «Оралмандар көші тоқырап тұр» (Г.Шонабай), «Хақ үкімдері қатып-семіп қалған догма емес» (М.Исахан), «Жалгерлік үйлер кімге бұйырады?» (С.Серікқали), «Түркі дүниесі» айдарымен «Қазақстан Түркияның стратегиялық әріптесі» (Ахмет Аляз), «Қазақстан мен Түркия қарым-қатынасы дамудың жаңа көкжиегіне бет бұрды», (М.Исахан), «Достығымыз мәңгі болсын!» (Қарағандыда өткен Түркия Республикасының апталығынан материал, (Жұлдыз Тойбек), «Сексен қала «серісі» – Бурса» (Ж.Борантаев), «Әл-Матуриди – түркі әлемінің ұлы перзенті», «Жанайқай» айдарымен «Көкпарға түскен тендер», «Жетпіс күн өлі мен тірінің арасында жатқан келіншек», (Шаяхмет Құсайынұлы), «Жікшілдер халық тұтастығына сына қағуда», «Біздің сұхбат» айдарымен «Басты мақсат – мемлекеттік тілді оқытудың ортақ жүйесін қалыптастыру» (Б.Майлыбаевпен сұхбат, А.Аляз), «Ұлттық мүдде» айдарымен «Ел болам десең, әйеліңді түзе!» (С.Өзбекұлы), «Ұлттың ұлы мұраты жолында ұйысайық!» (Г.Шонабай) сынды материалдар көп көңілінен шықты. Бұдан басқа «»Нұр Отан» партиясының «Ауылдың гүлденуі – Қазақстанның гүлденуі» акциясы мен «Қазақстан – ЗАМАН» газетінің «XXI ғасыр ауылы қандай болуы керек?» экспедициясы Павлодар, Батыс Қазақстан, Атырау, Маңғыстау, Ақтөбе, Қызылорда облыстарында болып, өңір тіршілігімен танысып, халықпен жүздесті. Е.Айғалиұлы Павлодар облысына барған сапарынан «Ерке Ертіс өңірінің ауылдары қазақыланып келеді» атты проблемалық материал жазды. Жылдың ең үздік мақаласы – «Хан Кененің қазасы – Алашымның азасы» (Мұхан Исахан).
