ТӨТЕНШЕ ЖАҒДАЙ ЖАРИЯЛАНДЫ

ТӨТЕНШЕ ЖАҒДАЙ ЖАРИЯЛАНДЫ

Су тасқыны салдарынан Ақтөбе облысы Қобда ауданының әкімі Болат Құловтың шешімімен Қобда ауылында жергілікті деңгейдегі төтенше жағдай жарияланды. 

13 наурызда Қобда ауданында қардың қарқынды еруі және далалықта еріген қар суы салдарынан Қобда ауылында 15 үй, 28 аула аумағы, денешынықтыру-сауықтыру кешенінің ғимараты, бір кафе су астында қалды. Тұрғындар қауіпсіз жерге – эвакуациялық пунктке көшірілді. 

Ақтөбе облысындағы су басқан кентте төтенше жағдай жарияланды

Қазіргі уақытта үйлердің аулаларын аралау жүргізіліп, қапшықтарды төсеу бойынша шаралар қабылданып жатыр. 6 мың шаршы метрден астам еріген қар суы сорылды. Су тасқынына қарсы іс-шараларға 35 бірлік техника, 123 адам жұмылдырылды.

Қобда ауданындағы жағдай облыс әкімінің жеке бақылауына алынды. Облыс әкімі Ералы Тоғжанов су тасқынына қарсы штабтың шұғыл отырысын өткізді. Өңір басшысы тұрғындардың қауіпсіздігін қамтамасыз ету, елді мекенді су басудың алдын алу және көлік қозғалысын қалпына келтіру мақсатында 13 наурызда бұзылған «Самара – Шымкент» халықаралық маңызы бар жолдың 613-шақырымында металл су өткізгіш құбырларды орнату және инертті материалдармен толтыру жөніндегі жұмысты аяқтауды, автокөлік қозғалысын қалпына келтіруді, сонымен бірге автожол арқылы судың асып кету және елді мекендерді су басу қаупі бар барлық учаскелерде максималды өткізу қабілеті бар тұрақты су өткізу құбырларын орнату жобасын әзірлеуді тапсырды. Сондай-ақ өңір басшысының тапсырмасымен «Самара – Шымкент» тас жолы арқылы Қобда ауылына қарай су тасқынына жол бермеу және ауылдың өзін су басуды болдырмау мақсатында Қобда – Ойыл автожолы учаскесінің екі жағында бөгет салу жайы қарастырылмақ. 

Ауыл тұрғындарымен кездесуде Ералы Тоғжанов зардап шеккен әр отбасына қажетті көмек берілетінін атап өтті. 

– Ауданда комиссия құрылып,  үйлер тексерілетін болады. Біз барлығына қолдау көрсетеміз, қаражат бөлеміз, мүмкіндігінше тез қалпына келтіреміз. Бұл жағдайға мұқият талдау жүргізіліп, су тасқынының қайталануына жол бермеу шаралары қабылданады. 

Ең бастысы,  тұрғындардың қауіпсіздігі қамтамасыз етілді. Ауданда комиссия құрылып, барлық үйлер тексерілетін болады. Біз барлығын қолдаймыз, қаражат бөлеміз, бәрін мүмкіндігінше тез қалпына келтіреміз. Бұл жағдайға мұқият талдау жүргізіліп, су тасқынының қайталануына жол бермеу бойынша шаралар қабылданады, – деді  Ералы Тоғжанов. 

Елді мекендерде су тасқынына қарсы іс-шараларды іске асыру жалғасуда: арнайы техника жұмыс істеп жатыр, инертті материалдарды төгу, қапшықтарды төсеу және су сорғылау жұмыстары күшейтілді.

Халыққа және Төтенше жағдай департаментінің қызметкерлеріне көмек көрсету үшін облыстық Полиция департаментінің жиынтық жасағының қызметкерлері Қобда ауданына жіберілді. Полицейлер су басқан үйлердің тұрғындарын және мал-мүлкін эвакуациялап, жол бойына құм төсеумен, құм дорбаларын дайындаумен айналысып жатыр. Сонымен қатар полиция ауыл тұрғындарының мүлкінің сақталуын қадағалайды. Қобдада мұндай көлемдегі су тасқыны соңғы рет 1993 жылы болған. 

 

М.ТАБЫН, Ақтөбе облысы
16.03.2023

Ұқсас жаңалықтар

МҰХАММЕДСАБЫР ЖОЛДАМАҒА ЖАҚЫНДАЙ ТҮСТІ
Түркістан облысы әкімінің баспасөз қызметі - 29.06.2024 1226
ШАРДАРА СПОРТШЫЛАРЫ ТОП ЖАРДЫ
Түркістан облысы әкімінің баспасөз қызметі - 21.06.2024 37
ТҮРКІСТАН: КЕНТАУ ҚАЛАСЫНЫҢ ӘКІМІ «АЛТЫН БЕЛГІ» ИЕГЕРЛЕРІМЕН КЕЗДЕСТІ
Түркістан облысы әкімінің баспасөз қызметі - 21.06.2024 28
ТҮРКІСТАН ОБЛЫСЫНДА «ТАЗА ҚАЗАҚСТАН» ЭКОАКЦИЯСЫ АЯСЫНДА БИЫЛ 2400-ГЕ ЖУЫҚ ІС-ШАРА ӨТЕДІ
Түркістан облысының Өңірлік коммуникациялар қызметі - 21.06.2024 23
ТҮРКІСТАН ОБЛЫСЫНДА 2 МЫҢНАН АСТАМ АДАМ ҚАРЖЫЛЫҚ ПИРАМИДАЛАРДЫҢ ҚҰРБАНЫ БОЛҒАН
Түркістан облысының Өңірлік коммуникациялар қызметі - 21.06.2024 67

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 802
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 373
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 1655
4
Ойынқұмарлық дендеп барады
Show more
Аққу СӘЛІМБЕК - 2024-06-10 1296
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 2444